مرحباً بكم في مدونه الملك الكامل - اكتب وشارك وابتعد عن الرسميات

اول يوم في الدراسه

طبعاً جميعكم تعلموا ان اول يوم في الدراسه بيكون صعب علي الواحد او بيكون سهل مع طالب وطالب بس الغريب في اليوم ده اني ذهبت إلي المدرسه في اول يوم واعتبرت ان اليوم ده هيكون يوم جميل زي كل سنه ، وهحكي ليكم قصتي في اول يوم في مدرسه الملك الكامل
عندما كنت ذاهب في طريقي إلي مدرسه الملك الكامل، كان في تشديد كبير جداً داخل المدرسه وكان يوجد اساتذه كتير جداً دا خل ارض الملعب وكانوا بيتحدثوا عن الوباء الجديد (انفلونزا الخنازير) وكانوا أيضاً ينصحوا الطلاب ومن ضن هذه النصائح 1-ان كل طالب يحضر ومعه صابونه بشرط ان تكون صابونه(ديتول) 2- وان يحضر ومعه فوطه صغيره ونظيفه وتغسل يومياً بالكلور+ان تكون مكويه بالمكواه 3- الاكثار من شرب السوائل .
داخل الحمامات يوجد الاتي :- صابون ديتول +بارفان .
وكما قالوا ايضاً في الطابور مراعاه غسيل الايدي بصفه مستمرة + عدم الاحضان بين الطلاب وبعضهم حتي لاينتشر الفيروس بينهم .
وطبعاً زي ما حضرتكم عارفين دي الاساسيات الي هنتعامل معها في بدايه الدراسه حتي نهايتها ، ولاكن الي حدث في اول يوم كان طفره في حق تلك المدرسه ....
اولآ : مدير المدرسه كان في اول يوم في الدراسه كان غائب .
ثانياً : داخل الفصول كانوا الطلاب لايتعدي داخل الفصول سوي طالبين أوثلاثه بالاكثر بالنسبه الي طلاب الصف الثاني الثانوي.
ثالثاً : كان لايوجد اشراف داخل طوابق المدرسه .
رابعاً : اي شخص بامكانه دخول المدرسه والخروج منها .
خامساً : كان لايوجد اشراف ايضاً داخل الحمامات فطبعاً الصابون و البارفان مكانوش موجوديين ،
سادساً : في اليوم ده مكنش في غياب يومي .

لاسف دي الي حدث في مدرسه الملك الكامل في ذلك اليوم واني قمت بنقل إليكم الصوره التي كانت بداخل مدرسه الملك الكامل الثانويه بنين.

طبعا زى مانتو عارفين ومتوقعين ان امتحان العربى دايما بيبقى اول امتحان فى امتحانات النظرى
اسفتحنا بيه
طبعا الناس كلها مكنتش جايه من دراسة ولا حاجة كلو كان بيلعب
و كلنا جايين على ان الامتحان هيكون سهل و كده بس طبعا بقى
انتو عارفين رهبة اول امتحان دى بتبقى بالامتحانات كلها

فا زى ماتو عارفين برضه :D
الامتحان كان عبارة عن 6 او 7 اقسام والله مانا فاكر حتى
متقسمين على ورقتين
الورقة الاولة
تعبير
قصة
قراءة

الورق التانية
ادب
بلاغة
نصوص
نحو
طبعا مفيش مقارنة من الورقتي دول عاملين زى امتحان وطنية و امتحان الهندسة
:D

فاالناس كلها بقرى فرحان بعد ما حلت الورقة الاولة و الامتحان سهل و موش عارف ايه وحاجات كده يعنى
كلنا دخلنا على الورقة التانيه و بصلى على النبى محدش حط فيها قلم
انا عن نفسى كنت سايب تلت اسئلة للظروف
طبعا انتو افهمين الظروف دى ايه
بصيت على الادب لقيت فى حاجات غريبه فعلا اول مرة اعرف ان عندنا حاجات شبه دى

و البلاغة نفس الحركة
عارفين زى نظام
الخيل والليل و البيداء تعرفنى
مكرّ مفر ّمقبل مدبر
اهو البلاغة كانت عاملة كده و طبعا محدش عرف يحل حاجة الا من رحم ربى يعنى

نخش بقى على النصوص طبعا هو جايبلك تلاته تختار منهم اتنين
انا حليت التلاته
طبعا هتقالو دا شاطر بقى و حاجات من دى لا
انا حليت التلاته عشان يعرف يلاقى كام درجة صح ينجحنى بيهم
:D
بس بينى و بينكم انا طلعت بفهم فى النحو عرفت احل فى حاجة الحمد لله
دا الامتحان اللى حصل فى اللجنة بقى كاآتى
عمركوا شفتوا واحد فى اول اللجنة بينادى على واحد فى اخر الجنة عشان يسالو معنى (تناهت الى امنية اهل الرغبة فيها ) اه متسالوش معناها عشان انا كمان معرفش اساسا
و اللى مضايقنى ان الواد اللى هناك موش سامع و عبدالحرمن مصمم برضه ياعمى اله يكرمك اسال الى وراك مفيش برضه محكم غباءه فى حته غبية
و الراجل حتى بص عليه و ضحك
و برضض فجاة و احنا اعدين فى آمان الله و الرجالة اللى بيلعب فى الساعه و اللى بيلعب فى القلم و اللى بيلعب فى ............ فى المقلمة يا قليل الادب
:D::D:D:D
و طبعا الرجالة شغالة اشارات على ودنه اهو الذكاء بيطلع فى الحاجات دى ايه نوابغ نوابغ

و المشكلة ان المراقب كان بيتفرج و شايف كل واحد و يضحك اصل تشوف الواد حاطط ايده على بوؤه و من كتر ما بيتكلم شعره بيتحرك
:D:D:D:D

اه نسيت نسيت نسيت النص بتاع البلاغة اهو

فلا تغرنك من دنياك نومتها فما صناعة عينيها سوى السهر
ما لليالى ؟ أقال الله عثرتنا من الليالى و خانتها يد الغير
تسر بالشىء لكن كى تغر به كاالأيام ثار اللى الجاني من الزهر

و ابوس ايدكوا اللى فاهم حاجة فى النص يفهمهالى




كنت يوماً ذاهباً إلي المدرسه صباحا، ثم إندهشت عندما نظرت إلي مدرستنا ، فوجد شيئاً غريباً(ألا وهوا سلك ) فإتبعت هذا الشئ وعندما دخلت من باب المدرسه وانا اريد ان اعرف ما هذا الشئ فتعاقبته من حجره إلي حجره حتي وصلت في النهايه الي شئ غريب ألا وهو ا سلك أنترنت ، هل يعقل ذلك ! ان في مدرسه وصله أنترنت ، والشئ الاكثر غرابه ان تلك الوصله ممتده إلي مناهل المعرفه ، والشئ الادها هو ان الوصله نفسها يوجد منها فرع ذاهب إلي حجره السيد المدير ، عجباً أهل يعقل ذلك ! ان مدرسه تأخذ وصله أنترنت ، والاشد من ذلك ان كثيراً من علماء الدين والازهر يقولون ان تلك الوصلات غير شرعيه وأن الوصلات الي تمد إلي المنازل وإلي المحلات تعتبر سرقه ، وقال ذلك من رجال الدين وتحديداً ( الشيخ / عمرو خالد ) والذي حظر من أن تلك الوصلات الخارجيه فهي سرقه لان الشخص الذي يقوم بشراء خط الانترنت يقوم بتوزيعه علي جيرانه ومحلات وغيره ، فمابالك من ان رجال الدين قدوه لنا مع الرغم من أن المدارس دورها الاساسي هو التربيه... فكيف التربيه ونحن ننظر إلي تلك الاشياء التي يفعلونها القدوه لنا اهل يعقل ذلك ان نري تلك الأشياء المُسخره في مدرسه لها تاريخ وامجاد ،مدرسه تخرج منها جميع الفئات من (طبيب - مهندس - عالم -وغيرها ...) آسف أن اقول لماذا تلك المجاوزات في المدراس ! أهيا التربيه علي الخلق الحميده ؟ -